ပြာသာပြာ
ဖွဲမထွက်ခဲ့
ကြာသာကြာ
တစ်ရာမပြည့်ခဲ့...
ကွာလတီပဲ ဆိုပြီး
ကြာရှည်ဆွဲ ရေးနေခဲ့
(ပြင်ဟယ် ပြင်ဟယ်နဲ့)
ထွက်လာတော့လဲ ဒီရုပ်
ဒီပဲထည့်တာ ဒီပုတ်...
အသက်ကြီးလဲ အသီးနုတော့ခါး
စိတ်ကြီးလဲ လက်သီးမထွား
အကောင်ကြီးလဲ အရိုးမျက်တဲ့ငါး
အချိန်ကြာလဲ မလိမ္မာတဲ့နွား...
ငဦးမှည့်လဲ
မထူးတဲ့ ငဘိတ်
အရင်မွေးလဲ
ဖင်သေးခါးချိတ်
လူသက်ရှိလဲ
စိတ်သက်ကနိမ့်...
စာရေးရင်းစာသင်
ကြင်လည်ရင်းလေ့လာ
(ဒီတစ်ခါ) တစ်ရာပြည့်ပြီ
"ရာ" ထဲက "ခု" တိုင်း
လူ့အသိုင်းအဝိုင်းကောင်းကျိုးပြုစေချင်
ခန္ဓာကြီးလျက် စိတ်သက်မနုစေချင်
အသက်ကြီးလဲ အရပ်မပုစေချင်။ ။
ကျန်သေးတယ်ရှင့်...
ခေါက်လိုက်တော့နော်...
လွမ်းစရာရှိရင် လွမ်းစရာနဲ့ဖြေမိတယ်
အဆိပ်ကိုအဆိပ်နဲ့ဖြေတဲ့ ကုထုံးမျိုးတော့
သေချာကို မဟုတ်ခဲ့...
ဘယ်မှာလဲ မသိတော့တိုင်း
တနေရာရာဆိုတာ သေချာတဲ့အသိနဲ့
ကောင်းချီးပေးခဲ့
တနေ့နေ့ဆိုတာကို မေ့ပစ်ခဲ့တယ်...
ပျိုးခဲ့တဲ့မြေကွက်ကိုငေးရင်း
မျှော်လင့်ရတာထက်
မျှော်လင့်ရင်းမပျိုးမိဖို့ရည်စူးပြီး
မြေကွက်တစ်ခုအလွတ်ထား ကြည်နူးတယ်...
ရယ်ဟယ် ပြုံးဟယ်
(ဘယ်တော့မှ) ဆွေးမြည့်တယ်လို့မပြောခဲ့
လွမ်းဆွတ်ခြင်းကို တခက်ဆွတ်ယူလို့
ဆွတ်ပျံ့နွေးမြခဲ့ရတယ်...။ ။
ကျန်သေးတယ်ရှင့်...
ခေါက်လိုက်တော့နော်...
"အိပ်ပြီ တာ့တာ "
"ဂရုစိုက်နော် နေကောင်းအောင်နေ"
"ပြန်တော့မယ် မိုးချုပ်နေပြီ"
"ဒီမှာ ဆက်သွယ်ရေးကျကျသွားလို့ "
"ဂွတ်နိုက်"
အားလုံးထွက်ခွါသွားတော့ သူ့မှာ ဖုန်တွေတောင်တက်လို့။ လက်သည်းတွေတောင်ရှည်လို့။ မိုးတွေတောင်စိုလို့။ ဒီနေ့ကျီးကန်းကြီးများသာမလားလို့ မော့ငေးနေမိပြန်သည်။ သူနဲ့သူ့သေတ္တာလဲ သံချေးတက်ပြီ။ အဲဒီဘယ်တော့မှမပိတ်ပဲ ဟောင်းလောင်းဖွင့်ထားတဲ့ လျှပ်စစ်သေတ္တာထဲက သံယောဇဉ်ငါးတွေလဲ သံချေးစားကုန်ပြီ။ သူတို့သူတို့တွေအိပ်ကုန်ကြပြီ။ သူ့မှာသာ သေတ္တာကြီးတစ်လုံးနှင့် သံယောဇဉ်ကျပ်ခိုးတွေတက်နေတဲ့ အိမ်အိုကြီးလို တစ်ယောက်ထဲ။
တကယ်တော့ သူတစ်ယောက်ထဲမှ မဟုတ်ပဲလေ။ သူ့မှာရှိပါသည်။ သူ့သေတ္တာထဲမှာ ကြက်တောင်စည်းနှစ်ဖက်နှင့် သူ့မျက်နှာသူ ပြန်မြင်ရသလို ကြည့်မိတိုင်းရယ်ပြုံးမိစေသည့် သူ့အသက်ဗူးမ ပိစိကွေးလေးရှိသည်။ သူ့အိပ်မက်အဟောင်းတွေရဲ့သော့ကို သူမခါးကြားမှာထိုးထားသည့် သော့ထိန်းတစ်ယောက်လဲရှိသည်။ ပြီးတော့ သူတရံတခါက အမြဲတက်ပြီး တကူကူးစီးခဲ့ဖူးသည့် (အခုတော့) စတီးချောင်းနှင့် ခြေထောက်အရေတွဲတွဲတွေလည်းရှိသည်။ ခါးတာတွေကို ချိုချိုလေးမြိုချတတ်သောသူလည်း အဲဒီခြေထောက်တွေအောက်မှာတော့ ညွှတ်တွားခယနေတတ်မြဲဖြစ်သည်။
အပြုံးတွေ ပြည့်စုံနေဖို့ဆိုလျှင် ရင်ထဲမှာ ဗလာဖြစ်နေဖို့လိုသည်။ ရင်ထဲမှာတခုခုပိုနေလျှင်တော့ အပြုံးတွေ တခုခုလိုနေတတ်သည်။
သူ့သေတ္တာကို ပိတ်ဖို့ခလုတ်မတပ်ပဲ ဒီဆိုင်က ညာရောင်းလိုက်သည်ထင်သည်။ သူသေတ္တာမပိတ်ပဲ အိပ်ပျော်သွားတတ်သည်။ ရှင်းပါသည်။ သူ့သေတ္တာထဲမှာ ကမ္ဘာတစ်ခြမ်းကနေဝင်ပြီး ကမ္ဘာတစ်ခြမ်းက နေပြန်ထွက်လာတတ်သည်။ နေဝင်သည့်နေရာက မှောင်သွားတော့လည်း သူ့ကိုမင်္ဂလာနံနက်ခင်းပါဟု နှုတ်ဆက်မည့် အသံငယ်လေးတွေကို သူမျှော်နေရုံပေါ့။
သူ့အိမ်တံခါးကို ဟင်းလင်းထားသလို သူ့စိတ်တွေကလဲ တိုးလျှိုပေါက်နေကြသည်။ အဲဒီမလွယ်ပေါက်ကနေပဲ သူတို့လေးတွေ သူ့စိတ်ထဲစုပြုံတိုးနေခဲ့ကြသည်ကိုး။
"ဟိုးဟိုဘက်က ညီလေး နည်းနည်းတိုးပေးပါဦး ဒီညီမလေးနေရာမရလို့"
သူက စပါယ်ယာတစ်ယောက်လို ညီ၊ညီမတွေကို ရင်ခွင်ပေါက်ထဲမှာ စနစ်တကျနေရာချရသည်။ သူ့အိမ်တံခါးကို သူတို့အတွက် အမြဲဖွင့်ထားပေမယ့် သူတို့အိမ်တွေကို ခိုင်ခံလုံခြုံလှပအောင် နှစ်လိုဖွယ်ကောင်းအောင် သူဖန်တီးပြင်ဆင်ပေးခဲ့ဖူးသည်။ အဲဒီ့အိမ်တွေပဲ သူ့သေတ္တာထဲမှာ ဘီလျံနာကြီးတစ်ယောက်လို သူပိုင်ဆိုင်လေသည်။
"ကျေးဇူးပဲအကိုကြီးရာ"
သူ့ရင်ဘတ်ထဲ စုတိုးနေကြသော ညီငယ်တစ်ယောက် ဆေးလိပ်သောက်တိုင်း သူ့ရင်ဘတ်က မွှန်လှသည်။ ပြီးတော့လဲ ဆေးလိပ်တိုကို ရင်နံရံတွေနှင့် ဖိချေမီးသတ်နေပြန်သည်။
"ဒီကောင်လေးမီးတွေငြိမ်းမယ်ဆိုရင် ငါအပူခံရကျိုးနပ်ပါတယ်လေ။ သူ့အငွေ့တွေကို ငါတဝက်ရှုလိုက်လို့ သူ့အဆုတ်ထဲဝင်တဲ့ အဆိပ်တွေတစ်ဝက်နည်းမသွားဘူးလား"
ပေတူးတူးနှင့် ကောင်မလေးတစ်ယောက်ကတော့ အိပ်ရာနိုးတိုင်း သူ့ရင်ဘတ်နံရံမှာ ခဲတံချွန်ချွန်နှင့် အမှတ်တစ်ချက်ခြစ်တတ်သည်။ အိမ်ပြန်ဖို့ရက်တွေ တာလီချိုးနေတာထင်သည်။ ခပ်စူးစူးတစ်ချက်အခြစ်ခံရလို့ ခပ်တိုးတိုးအော်လိုက်မိရင်တော့
"ကိုယ့်အကိုကြီးကို ချစ်လို့ခြစ်တာပဲဟာ" ဟု ပြောင်စပ်စပ်လုပ်နေပြန်သည်။ ဒါတွေကြောင့် သူတို့ကိုစိတ်မနာနိုင်။
ယိုင်တိုင်တိုင်နှင့် ဆိုဖာပေါ်မှထပြီး သူ့သေတ္တာအဖုံးကို ကိုင်ကြည့်နေမိသည်။ သူပိုင်ဆိုင်တာ ဒါတွေဒါတွေဒါတွေ။ ပိုင်ဆိုင်တာတွေ ဘယ်လောက်များသလဲဆိုရင် သက်တန့်အဆုံးနှစ်ဖက်ဆက်ဆွဲတဲ့ အလျားထက် သူပိုင်တဲ့ သံယောဇဉ်တွေ မေတ္တာတွေက များသေးရဲ့။ ဘာတွေပိုင်ဆိုင်သလဲဆိုတော့လဲ သူပိုင်ဆိုင်တာ ဒီသေတ္တာလေးတစ်လုံးရယ် ရွှေ့ပြောင်းမရသောပစ္စည်းများရယ်။ ဒါပဲ။ အဲဒီမေတ္တာ စေတနာ သံယောဇဉ်တွေ ပြီးတော့ သံစဉ်တွေ စာသားတွေနဲ့ အကြည့်တွေ အပြုံးတွေ လေထဲမှာဖမ်းဆုပ်လို့မရသလို ရွှေ့ပြောင်းလို့မရတဲ့အရာတွေ သူပိုင်ဆိုင်ပေတာကိုး။
သူ ခပ်တိုးတိုးရယ်လိုက်ရင်း နာရီကို ခိုးကြည့်လိုက်သည်။ နာရီကြီးက သူ့အကြည့်သူခိုးကိုမိသလို မျက်စောင်းထိုးရင်း သုံးချက်တိတိ စောင်းမြောင်းရေရွတ်သည်။ "မကြီးမငယ်နဲ့ ကလေးဗိုလ်လုပ်နေတယ် ဟွန်း အရည်မရ အဖတ်မရတွေ" ဟုလဲ မြည်တွန်တောက်တီးနေသေးသည်။ ဒီနေ့ ဒီအခန်းထဲက နာရီမဟုတ်သော သူ့ဘဝရဲ့ နာရီကြီး သူ့ကိုထပ်တစ်ကြိမ် မြည်တွန်တောက်တီးသောနေ့လည်း ဖြစ်သည်။ ပြောချင်တာပြောပါစေလေ။ သူကျေနပ်နေဖို့သာလိုသည်။
"ခင်ဗျားက ဘယ်လောက်ဆူနိုင်မှာမို့လဲ ၊ ကျုပ်ဘဝက ကျုပ်ကိုဆူပူမာန်မဲနေတာ သုံးဆယ့်ခြောက်ခါတောင်ရှိပြီ "
သူ့အပြုံးတွေ မမှိတ်ခင် အခန်းမီးကိုမှိတ်လိုက်သည်။ သူ့သေတ္တာကိုဘယ်တော့မှမပိတ်သလို သေတ္တာထဲက သူ့သံယောဇဉ်တံခါးကိုလဲ ဘယ်ညမှမပိတ်ပါ။ ခဏနေလျှင် တစ်ယောက်ယောက် အဲဒီတံခါးကို လာခေါက်မှာသေချာသည်။ အဲဒီ့သေတ္တာထဲ သူမမှိတ်မသုန် ငေးလို့သာနေပါသည်။
(PS: အကိုကြီး ကိုလင်းထက် အမှတ်တရဖြစ်စေချင်ပါတယ်။ ဒီနေ့သူ့မွေးနေ့မို့ပါ။ )
ကျန်သေးတယ်ရှင့်...
ခေါက်လိုက်တော့နော်...
ရှင်နဲ့ကျွန်မ
ခင်ဗျားနဲ့ကျွန်တော်
ညည်းနဲ့ကျုပ်
နင်နဲ့ငါ
မင်းနဲ့ကိုယ်
....................
........
ဝန်နဲ့အား
မြားနဲ့လေး
ဆေးနဲ့အစာ
အလဲအထပ်တွေ တပုံကြီး
ပြေးကြည့်လိုက်မှ နှစ်ယောက်ထဲ...။ ။
ကျန်သေးတယ်ရှင့်...
ခေါက်လိုက်တော့နော်...
ဒီနေ့က ကျွန်မရဲ့နေ့ပဲပေါ့။ ပြောချင်တာက လတိုင်းမှာ တစ်ရက်ကတော့ ကျွန်မရဲ့နေ့ပါပဲ။ ဒါပေမယ့် ဒီလရဲ့ ဒီနေ့ကတော့ ကျွန်မအတွက် နေ့ထူးနေ့မြတ်။ ပြောရရင် ဒီလမှာ ကျွန်မကိုယ်တိုင်က နေ့ထူးနေ့မြတ်။ အခွင့်ထူးခံ အရေးကြီးပုဂ္ဂိုလ်။ ဖြစ်နေတဲ့ပီတိက မိဖုရားခေါင်ကြီးလို ကျန်နေ့တွေက ကျွန်မရဲ့အနားမှာ ရံရွေတော်တွေလို ဝန်းရံခစားနေကြပေါ့။ တော်ကောက်ခံရတဲ့ အပျိုလေးလို ကျွန်မသိပ်စိတ်ကြီးဝင်မိသပေါ့။ မခုတ်ရဆိုင်းဘုတ်အချိတ်ခံရတဲ့ သစ်ပင်လို ကတုံးပင်တွေကြား ဆံတောက်ကြီးတဖားဖားနဲ့ ကျွန်မသိပ်ကြွားမိသပေါ့။
ဒီနှစ်ဆယ့်လေးနာရီတော့ ကနားပွဲတွေ့တဲ့နတ်လို ကျွန်မမြူးမယ်ရှင်။ နေမဝင်အင်ပါယာတည်တဲ့ ဟိုဘုရင်လို နေကိုမဝင်အောင်ဆွဲထားလို့ ဒီနေ့ကို အပိုင်သိမ်းချင်တယ်ရှင်။ ရာဇဝင်ထဲက ကျွန်မကိုယ်ကျွန်မပြန်လှန်လို့ ဟိုဘလော့ဂါကြောင်တောင်တောင်မလေးလို သမိုင်းဝင်နေ့တစ်နေ့လားဆိုတာ ကျွန်မကိုယ်ကျွန်မ ဝီကီမှာ အစဆွဲထုတ်ချင်တယ်။ ဘာပဲဖြစ်ဖြစ် ဟိုအိမ်ဒီအိမ်တွေရဲ့ ပြတင်းပေါက်ကနေ ကျွန်မခေါင်းလျိုကြည့်လိုက်တိုင်း နံရံပြားပြားပေါ်ကပြက္ခဒိန်ကိုထွင်တဲ့သူ တိတိကျကျပြောရရင် မြန်မာသက္ကရာဇ်ကို အရင်းစစ်တဲ့သူကို ကျွန်မကျေးဇူးတင်တယ်။ ဘာလို့ဆို ကျွန်မခေါင်းပေါ်ကို ဒီလ သရဖူတစ်ခုဆောင်းနိုင်ခဲ့လို့။ ပြီးတော့ မယ်စကြာဝဠာလို စလွယ်တစ်ခုလဲ ကျွန်မလွယ်လို့။ အဲဒီ့စလွယ်မှာ စာတန်းထိုးထားတာက ရက်ရာဇာ တဲ့ရှင့်။
အရင်လကတော့ ကျွန်မအဖြစ်က နေ့စားနဲ့ရိုက်တဲ့ ဇာတ်ရံလို။ မင်းသမီးသူငယ်ချင်းလိုလိုနဲ့ နဂါးခေါင်းက ကျွန်မဘက်လှည့်တယ်။ လပြည့်ပဲကျော်ကျော် လဆုတ်ပဲခေါ်ခေါ် ကျွန်မတစ်ရက်နေ့က အရံကစားသမား စင်နားမှာထိုင်ငေးနေရတယ်။ ဘယ်သူကမှလဲ ကျွန်မကိုအရေးမလုပ်ကြဘူး။ ကျွန်မလုပ်လေ့ရှိသလို ဟိုအိမ်ဒီအိမ်ထဲ ခေါင်းပြူကြည့်ပြန်တော့လဲ အလှူကို ရက်ရာဇာမှာလုပ်မယ်၊ အုတ်မြစ်ချတာရက်ရာဇာမှကောင်းတယ်၊ ငွေပေးငွေချေက ရက်ရာဇာမှ စကားပြောရင်မကောင်းဘူးလားနဲ့။ ပြက္ခဒိန်ကြမ်းကြမ်းပေါ်က ကျွန်မကို မင်နီတစ်ချက်မဝိုင်းကြဘူး။ အင်မတန်မျက်နှာကြီးတဲ့ ရက်ရာဇာ၊ အမြီးရှည်တဲ့ရက်ရာဇာ လာလေရော့ ခုတော့ ဒီလလပြည့်ကျော်တစ်ရက်နေ့က ရက်ရာဇာတဲ့။ အဲဒါ ကျွန်မနာမည်။ ပယ်နယ်တီနှစ်ခါရတဲ့ ဘောလုံးအသင်းလို ကျွန်မလက်မှာ ရက်ရာဇာဖလား ပြေးလွတ်ဦးမလားရှင်။
မနက်ဖြန်တစ်ရက်နေ့ ရက်ရာဇာ။ အကယ်ဒမီဝတ်စုံနဲ့မထွက်ခင်တော့ အလှဖန်တီးရှင်ရှေ့ မျက်နှာပြောင်နဲ့နေရသလို ကျွန်မမျက်နှာမပြရဲသေးဘူး။ ပုန်းလျှိုးကွယ်လျှိုးနဲ့ ဆယ့်ငါးရက်နေ့နဲ့ နှစ်ရက်နေ့ကြား အမြောက်စားခံနေလိုက်တယ်။ မနက်ဖြန်ဆို ကျွန်မအလှူပွဲတက်မယ်။ မင်္ဂလာဆောင်သွားမယ်။ ရှင်ပြုမှာ ကွမ်းတောင်ကိုင်မယ်။ ဆုပေးပွဲမှာ ဖဲကြိုးဖြတ်မယ်။ ပွဲဖြစ်မယ့်လူတွေကြားမှာ ကျွန်မကော်မရှင်စားမယ်။ တရားရုံးကတရားခံတွေက ကျွန်မကိုအားကိုးသလို ကျွန်မရှေ့မှာ ခုံရုံးတက်ချင်ကြတယ်။ ဟိုကောင်လေးကတော့ ကျွန်မရှေ့မှာ ချစ်သူကိုချစ်ရေးဆိုဖို့ နှင်းဆီပန်းတစ်ပွင့် ရေစိမ်နေလေရဲ့။ ကုန်ကုန်ပြောမယ်ရှင် ရာဇာဆိုမှတော့ ဘုရင်၊ မသာဘုရင်တောင် သုဘရာဇာဆိုပြီး တရပ်ကွက်လုံးမှာ မရှိမဖြစ် အရေးပါနေမှတော့ ကျွန်မရက်ရာဇာက လူတွေကြားမှာ အမြင်လှလို့ ရက်တွေနေ့စွဲတွေကြားမှာ "ဘုရင်မ "ဖြစ်တာ ဆန်းသလား။
"မနက်ဖြန်ဆို နေ့ကောင်းတယ်။ မနက်ဖြန်ပဲလုပ်လိုက်တော့။ ငါတို့အသင်းက ဒီနှစ်ပွဲဦးထွက်ဆိုတော့ နေ့ကောင်းရက်သာရွေးပြီး ပြိုင်တာအကောင်းဆုံးပဲ။ ပွဲဦးထွက်မှာ ရက်ရာဇာဆိုတော့ နိုင်ပြီလို့သာ စွဲထားပြီး ကစားကြပေတော့ကွာ နော"
"ဟာ တာဝန်မှုးပြောတာမှန်တယ်ဗျို့။ မေ့နေလိုက်တာ မနက်ဖြန်ရက်ရာဇာပဲဗျ။ ကောင်းတယ် ကောင်းတယ် ကလေးတွေ ရက်ကောင်းတယ် အသင်းကောင်းတယ်။ သေချာကစားကြ။ ကြားလား မနက်ဖြန်ငါတို့နေ့ ဖြစ်ကိုဖြစ်ရမယ်ကွ"
"ဟေးးးးးးး..............."
အံမယ်... ညာသံပေးပြီး ထွက်သွားကြပါလား။ ဒီကောင်လေးတွေ ကျွန်မရဲ့နေ့မှာ ဟိုဘက်ရပ်ကွက်နဲ့ ဘောလုံးကစားကြမလို့ကိုး။ ကောင်းတယ် ကောင်းတယ်။ ဒါဆိုလဲ ကျွန်မကပဲ အကဲဖြတ်ဒိုင် စည်းကြပ်ဒိုင် ကွင်းလယ်ဒိုင် ဆုဗန်းကိုင်ရဦးမှာပေါ့။ ဒီလိုပါပဲလေ။ နံမည်တစ်လုံးနဲ့ဖြစ်လာတော့လည်း ဟိုလူက ချဉ်းကပ်ချင် ဒီလူက ခြွေရံချင်နဲ့။ ဘောလုံးပွဲက ညနေမှဆိုတော့ မနက်ပိုင်း သာရေးကိစ္စတွေပြီးမှ စီမံဆောင်ရွက်ပေးရတာပေါ့။
အဲ... အဲ ...ဆုဗန်းဆိုလို့ ဟိုဘက်အသင်းက မနှစ်က ဆုဖလားရထားတဲ့အသင်းမဟုတ်လား။ ရက်စွဲဆိုတဲ့ နာမည်နဲ့ကျွန်မ ရပ်ကွက်စွဲရှိလို့ မရဘူးလေ။ ဒီဘက်ရပ်ကွက်မှာ ကျွန်မက နေ့ကောင်းရက်သာဖြစ်သလို ဟိုဘက်ရပ်ကွက်မှာလဲ ကျွန်မက ရက်ရာဇာပဲမဟုတ်လား။ ဒီတော့ ဟိုဘက်ရပ်ကွက်ကို ပြေးပြီး သတင်းမေးရသေးတာပေါ့လေ။ ထင်တဲ့အတိုင်းပဲ သူတို့လဲကျွန်မကို မပြစ်ပယ်ကြပါဘူး။ သူတို့အသင်းကလဲ ဒီရာသီရပ်ကွက်ဖလားကို ရက်ရာဇာနဲ့မှ စချင်ပါသတဲ့။ သူတို့ကပိုဆိုးသေး။ ရက်ရာဇာမို့ မနက်ဖြန်စောစော ကန်တော့ပွဲတွေပါ ပေးကြဦးမယ်ဆိုပဲ။
တကယ်တော့ ရက်စွဲတစ်ခုအနေနဲ့ ကျွန်မကိုယ်ကျွန်မ ဘာမှပြောင်းလဲဖို့ ပြုပြင်ဖို့မတတ်နိုင်ပေမယ့် လူတွေက ကျွန်မကိုဒီလောက်အားကိုးနေပြန်တော့လည်း ဟန်ကိုယ့်ဖို့ မာန်သူ့ဖို့ ဆိုတဲ့အတိုင်း တန်ခိုးရှင်ကြီးတစ်ပါးလို ခန့်ခန့်ညားညားနေပြတာ အကောင်းဆုံးပါပဲ။ ဆိတ်ဆိတ်နေ ထောင်တန်သတဲ့ရှင့်။ အခုလို အပူဇော်ခံ အကြီးအကဲဆိုပြီး နေရာကြီးပေးထားပြန်တော့လဲ ရက်တွေနေ့စွဲတွေကြားမှာ အိနြေ္ဒကြီးတစ်ခွဲသားနဲ့ကျွန်မ လိုအပ်သည်များကို မှာကြားနေရတာပေါ့။ ရက်ရာဇာဆိုကထဲက supernatural power တွေပိုင်ဆိုင်ပြီဆိုပြီး ပြောသံကြားပါများတော့ ကျွန်မကိုယ်တိုင်တောင်မှ ကျောကုန်းမှာ အတောင်ပံကြိးပေါက်လာသလိုလိုဘာလိုလို ထင်ယောင်ထင်မှားဖြစ်မိတာ မှားသလားရှင်။
.........................................................................................................................................................
ကျွန်မပွဲထွက်ရမယ့်နေ့ကို ရောက်လာပြီဆိုပါတော့။ လှုပ်ရှားလို့မရတဲ့ နေ့စွဲတစ်ခုသာဖြစ်ပေမယ့် ကျွန်မနေရာတကာကို နားနဲ့ကြားတယ်။ မျက်စိနဲ့မြင်တယ်။ အာရုံနဲ့သိတယ်။ ဒီနေ့စွဲမှာ ကမ္ဘာတစ်လွှား ဖြစ်ပျက်သမျှကိစ္စအဝဝကို ကျွန်မက သိတယ်ရှင့် သိတယ်။ မနက်မှာ အာရုံဆွမ်း၊ မင်္ဂလာပွဲ၊ ရေစက်ချအမျှ၊ ဗွီဒီယိုမှတ်တမ်းတင် ကြားထဲမှာ အကြွေးတောင်း သဘောင်္ရေချ ဇာတ်ကားကန်တော့ပွဲ ဆိုင်သစ်ဖွင့်ပွဲ အိမ်တက်မင်္ဂလာနဲ့ အလုပ်လျှောက်လွှာဖောင်ဖြည့်တာကအစ ကျွန်မနေရာတကာ မနားတမ်းလှုပ်ရှားတယ်။ သူတို့ထင်သလို ကျွန်မမှာ စူပါပါဝါတွေမရှိပေမယ့် ကျွန်မရင်ထဲက စေတနာနဲ့ ကိစ္စမှန်သမျှ ကောင်းချီးသြဘာပေးခဲ့ပါတယ်။
ချွေးမထွက်တတ် မမောတတ်တဲ့ နေ့စွဲတစ်ခုသာဖြစ်ပေမယ့် ကျွန်မကို ခစားနေကြတဲ့ နေ့စွဲရန် နေ့စွဲနောက်လိုက်တွေကြားမှာ ကျွန်မမောပန်းသမျှ မပြုစုအယုယခံရသေးတယ်။ ဟိုပြေးဒီလွှားနဲ့ ကျွန်မအလုပ်ရှုပ်သမျှ နောက်ကနေ ဖော်လံဖားနေကြတဲ့ ဒင်းတို့ကို အော်ရငေါက်ရသေးတယ်။ ဟိုနိုင်ငံမယ် အကယ်ဒမီပေးပွဲလုပ်နေတယ်ဆိုလို့ အပြေးသွားလိုက်တာ ပင်လယ်တွေလဲဖြတ်ကူးလို့။ ဒါနဲ့ပဲ ကျွန်မနေတဲ့ ရပ်ကွက်ကလေးရဲ့ ဘောလုံးပြိုင်ပွဲကို ကွင်းမဖွင့်လိုက်ရပဲ ကွင်းပိတ်မီအောင်ကို မနည်းပြေးလာရတယ်ပေါ့ရှင်။
ဟင် ...မျက်ရည်တွေနဲ့ပါလား။ ဘာလဲ ဘာလဲ ကလေးတွေ ဘာလို့ငိုသလဲ။ ကျွန်မ ဒီမှာလေ ကျွန်မရှေ့မှာ မျက်ရည်မကျရအောင် ကျွန်မရဲ့ ရက်ရာဇာဆိုတဲ့ စလွယ်ကို မြောက်မြောက်ပြရင်း ချော့မော့ကြည့်တယ်။ ဒါပေမယ့် အချည်းနီးပါပဲ။ သူတို့က မြက်ပင်ကိုဆုပ်လို့ တောက်ကိုခတ်လို့။
"ဒီနေ့ တကယ့်ကို ပြဿဒါးပဲကွာ။ တစ်ယောက်သာ အထုတ်မခံရရင် ငါတို့ဒီလို ပိုးစိုးပက်စက်မရှုံးဘူး။ အရှက်ကွဲပြီး ရပ်ကွက်ထဲပြန်ဝင်ရမှာရှက်တယ်ကွာ"
"ဒိုင်ယုတ်မာတာကွ"
"ကံကိုကဆိုးတာပါကွာ။ လေကလဲ ငါတို့ဘက်ကိုပဲ တိုက်နေတာကိုး"
"အရက်သွားသောက်မယ်ကွာ။ ဒီပုံနဲ့ ပြန်လဲမထူးပါဘူးေ-ာက်သုံးမကျတဲ့နေ့။ ဖွတ် ကံဆိုးလိုက်တဲ့နေ့ @#%* &*%"
ကျွန်မမျက်နှာငယ်ငယ်နဲ့ ဟိုဘက်အသင်းဘက်ကို ခြေဦးလှည့်ခဲ့တယ်။ တနေကုန်တက်ကြွနေတဲ့ ကျွန်မရဲ့အပျော်တွေ၊ ကိုယ့်ကိုကိုယ်အထင်ကြီးမှုတွေကို ဒီလိုချက်ခြင်းအဖျက်ဆီးမခံနိုင်ဘူး။ ကျွန်မအတွက် ကျေးဇူးတင်နေတဲ့ အနိုင်ရတဲ့အသင်းကို ကျွန်မကောင်းချီးပေးမယ်။
"တော်တယ် အားလုံးတော်တယ်။ ချန်ပီယံခြေစွမ်း ပြနိုင်တယ်။ ဒီလိုအသင်းမျိုးကို ဘယ်နေ့ဘယ်အချိန်ထကန်ကန် တရေးနိုးထကန်လဲ နိုင်မှာပဲ"
"လာ အောင်ပွဲခံမယ်။ ည ဘီယာဆိုင်မှာဆုံကြမယ်"
ပခုံးဖက်ပြီးထွက်သွားတဲ့ သူတို့ရဲ့ ကျောတွေကိုငေးရင်း ကျွန်မငူငူကြီးကျန်ခဲ့တယ်။ ဘယ်နေ့ဘယ်အချိန်ပဲဖြစ်ဖြစ် ဟုတ်တယ်။ အသိတစ်ခုနဲ့ ကျွန်မရပ်နေဖြစ်တယ်။ ကျွန်မရဲ့နေ့ထူးနေ့မြတ်မှာ ဟိုမှာလူတွေငိုနေကြတယ်။ ဟိုမှာကလေးတွေ စိတ်ဆင်းရဲနေကြတယ်။
ဘောလုံးကွင်းဘေးကဖြတ်ပြီး အသုဘပို့ကပြန်လာတဲ့လူတန်း ယပ်တောင်တွေတဖြတ်ဖြတ်နဲ့ နေပူပူထဲလျှောက်လာတာ ကျွန်မတွေ့တယ်။ ဟိုးခပ်ဝေးဝေးက နိုင်ငံတစ်နိုင်ငံမှာ ဒီနေ့ပဲသောက်စရာနောက်ဆုံးရေကုန်သွားတဲ့ မဲတူးတူးနှုတ်ခမ်းထူထူကလေးမလေး အမေကိုငိုပြီး ပူဆာနေတယ်။ သူတို့သားအမိကိုယ်ပေါ်က နံရိုးတွေက ကျွန်မကိုလှောင်ပြောင်နေကြတယ်။ မနှစ်က ဒီလိုအချိန် ကျွန်မရှေ့မှာ ကျွန်မနေတဲ့နိုင်ငံက ပြက္ခဒိန်ကြည့်ပြီး အလုပ်လုပ်တတ်ကြတဲ့သူတွေ ရေထဲလေထဲ ပေါလောမြောနေကြတယ်။ အဖေကယ်ပါ အမေကယ်ပါနဲ့ ငိုနေကြတယ်။
လူတွေပညတ်ထားတဲ့ ကျွန်မရက်ရာဇာ။ ဘာမှမတတ်နိုင်ပဲ အခေါ်အဝေါ်တွေကြားထဲ သွေးဆူနေတဲ့ ကျွန်မရက်ရာဇာ။ အဆူအဆဲ အငိုအလွမ်းတွေကြားမှာ ကျွန်မဟာ အယောင်ဆောင်ထားတဲ့ ပညတ်တစ်ခုစစ်စစ်သာ ဖြစ်နေပါတော့တယ်။ ။
ကျန်သေးတယ်ရှင့်...
ခေါက်လိုက်တော့နော်...
ကျွန်တော်အိပ်ရာမဝင်ခင် စာရေးဖို့ အမြဲတွေးလေ့ရှိပါတယ်။ စိတ်ကူးရတာနဲ့ ချက်ချင်းထရေးတယ်။ သိပ်နောက်ကျနေရင်တောင် လက်ရေးတိုနဲ့မှတ်ထားလေ့ရှိပါတယ်
။ ပညာပေးစာတွေကို ကျွန်တော့်ကိုယ်ပိုင်စာကြည့်ခန်းကြီးမှာ ရေးလေ့ရှိတယ်။ စာကြည့်ခန်းကြီးဆိုတာနဲ့ နံရံကပ်မှန်ဘီရိုကြီးတွေနဲ့ အထဲမှာ အနှောင့်ထူသားရေဖုံးစာအုပ်ကြီးတွေ အစီအရီ တန်ဆာဆင်ထားမယ်ဆိုတာ ပြောစရာမလိုပါဘူး။ နိုင်ငံရေးနဲ့ စစ်သမိုင်းလို စာခန့်တွေ၊ အကျော်အမော်အတ္ထုပ္ပတိတွေနဲ့ ကျွန်တော်လေ့လာလိုက်စားရာ လူမှုစိတ်ပညာဘာသာရပ်စာပေတွေ စုဆောင်းထားသိုရာ ကျွန်တော့်စာကြည့်ခန်းမှာ သူတို့သူတို့တွေဖတ်ဖို့ သူတို့အမွှန်းတင်တဲ့ ဂန္တဝင်စာပေမွန်တွေ ကျွန်တော်ရေးခဲ့ပါတယ်။
ကျွန်တော် စာပေပညာရှင်ပါ။ ကျွန်တ်ာရသစာပေသမားပါ။ ကျွန်တော်စာဆိုတော်ဖြစ်သလို ကျွန်တော်လမ်းဘေးကဗျာဆရာပါ။ ဘဝနေနည်းတစ်စိတ်တပိုင်းကို ကျွန်တော်လှစ်ပြခဲ့ဖူးတယ်လို့ထင်ပါတယ်။ ကျွန်တော်အကောင်းဆုံးဟာသပြောသူလဲဖြစ်ခဲ့ပါတယ်။ ဖိုမဆက်ဆံရေးနဲ့ လိင်တူစိတ်ပညာ၊ လူငယ်ပျိုးထောင်ရေးနဲ့ ကလေးစာပေတွေရေးခဲ့တယ်။ ကျွန်တော်သုတေသနပြုစုရေးခဲ့တဲ့ ဘဝနေနည်းအနှစ်ချုပ်ကို နိုင်ငံလုံးဆိုင်ရာစာကြည့်တိုက်မှာ မှတ်တမ်းဝင်စာပေအဖြစ် ဖတ်ရှုနိုင်ပါတယ်။ စိတ်ကျန်းမာရေးဌာနမှာ ပါမောက္ခအဖြစ် တာဝန်ထမ်းဆောင်စဉ်က ကျောင်းသားတွေအတွက် သင်ရိုးညွှန်းတမ်းတချို့ကို ဖြည့်စွက်ရေးခဲ့တာ သတိရမိပါတယ်။
ကျွန်တော့်ရဲ့ကိုယ်တိုင်ရေးအတ္ထုပ္ပတ္တိကို နောင်လာနောင်သားတွေလေ့လာနိုင်အောင် စာမူကြမ်းရေးပြီး ကိုယ်ပိုင်စာပေတိုက်မှာ ကျွန်တော်အပ်ထားခဲ့ပါတယ်။ ကျွန်တော့်ရှေ့နေက လိုအပ်သလို စီမံဆောင်ရွက်သွားမှာဖြစ်ပါတယ်။ ဒီလိုစာတွေကို ဘာကြောင့်ရေးရသလဲ။ လူထုသတင်းစာအထူးထုတ်မှာ အမှတ်တရဆောင်းပါးအဖြစ် ထည့်သွင်းဖို့ ကျွန်တော့်ကို သတင်းစာဆရာများက မေးခွန်းထုတ်စဉ်က ကျွန်တော်ဒီလိုဖြေခဲ့ပါတယ်။
"ကျွန်တော့်အတွက်သာဆိုရင် စာရေးနေစရာမလိုတော့ပါဘူး
ဒီနေ့ဒီအရွယ်မှာ ကျွန်တော်စာမဖတ်တော့ပါဘူး
သူတို့ သူတို့ ခင်ဗျားတို့အားလုံး စာဖတ်ဖို့လိုသူအားလုံးအတွက် ကျွန်တ်ာရေးပါတယ်"
လို့ တိုတိုပြတ်ပြတ်ဖြေခဲ့ပါတယ်။
သူတို့အတွက် စာရေးခဲ့တယ်။ စာမတတ်သူတွေတတ်အောင် ဖတ်လွယ်ကဗျာတိုတွေရေးခဲ့တယ်။ စာပေလေ့လာသူတွေအကျိုးရှိအောင် စာပေသမိုင်းနဲ့ စာပေပညာရပ်ကို အကျယ်တဝင့်ရေးခဲ့တယ်။ လူကြီးတွေအတွက် ဂန္တဝင်စာပေဖွဲ့နွဲ့ခဲ့တယ်။ လူငယ်တွေအတွက် တက်ကျမ်းနဲ့ ကလေးတွေအတွက် ပုံပြင်တွေ။ စိတ်ဓာတ်ကျသူတွေအတွက် ကုထုံးနဲ့ စိတ်ညစ်နေသူတွေအတွက် ဟာသကိုရေးခဲ့တယ်။ အဲဒီလို အတွက် အတွက်နဲ့ တွက်ချက်ရေးနေရတာကို ကျွန်တော်ကြိုက်ခဲ့တယ်။ သက်တမ်းရဲ့သုံးပုံနှစ်ပုံကို သူများအတွက် ဘာရေးရမလဲဆိုတာ တွေးတောရင်း ရှာဖွေရင်း လေ့လာလိုက်စားရင်းနဲ့ ပြီးတော့ ရေးရင်း ပြောရင်း ပေးရင်းနဲ့ ကုန်လွန်ခဲ့တယ်။ အခုကျွန်တော်ဘာရေးမလဲ။
အိပ်ရာဝင်ကာနီးစာရေးဖို့တွေးနေမိတယ်။ ဘာမှမရေးပဲ အိပ်ရာဝင်လိုက်ရတဲ့ညဟာ အချည်းနှီးဖြစ်ရတယ်လို့ ကျွန်တော်ခံစားရတယ်။ ခရီးသွားမှတ်တမ်းရှည်ရေးဖို့ ကျွန်တ်ာခရီးသွားတိုင်း လက်နှိပ်စက်စာရေးကို ခေါ်သွားတတ်တယ်။ ညအိပ်ရာနှိုးပြီး စာရိုက်ခိုင်းနိုင်အောင် လခကောင်းကောင်းပေးခဲ့ရတယ်။ ကျွန်တော့်ရုံးခန်းက လက်ရေးတိုစာရေးမဟာ လုပ်ငန်းကိစ္စထက် ကျွန်တော့်ရဲ့ နေ့စဉ်မှတ်တမ်းများစာအုပ်အတွက် ထူးခြားမှုရှိတိုင်း အော်ပြီးမှတ်ခိုင်းတာကို လက်ရေးတိုနဲ့ လိုက်ခဲ့ရတယ်။နောက် ကွန်ပြူတာတွေ တွင်ကျယ်လာပြန်တော့ ကိုယ်တိုင်ကွန်ပြူတာစာစီစာရိုက်ကျင့်ပြီး ရေးစမ်းခဲ့သေးတယ်။ အရင်က ရေးလေ ရေးရတာလွယ်လေ၊ တွေးလေ ရေးရတာသွက်လေဖြစ်တာ ကျွန်တော်တွေ့ရှိခဲ့တယ်။ တန်ဖိုးရှိတဲ့အတွေးတစ်စကို အိပ်ရာပေါ်က ကုန်းရုံးထပြီး အစဆွဲထုတ်ရာကနေ အကျိုးပြုစာပေနဲ့ အနုပညာအပြည့် စာနုတွေ ရာထောင်ရေးနိုင်ခဲ့တယ်။ ခင်ဗျားသာ ကျွန်တာ့်အိမ်နီးချင်းဖြစ်ခဲ့ရင် ကျွန်တော့ခုတင်ဘေးက စာကြည့်မီးအိမ် လင်းနေတာကို ညသန်းခေါင်မှာ မြင်နိုင်ပါမယ်။
သူတို့အတွက် FOR THEM ဆိုတာ ကျွန်တော့်ဆောင်ပုဒ်လို ကြွေးကြော်ခဲ့တယ်။ သူတို့အတွက် စာတွေရေးရတာ ကျွန်တော့်အတ္တမဟုတ်ဘူးလို့ အခုချိန်မှာ ကျွန်တော်ပြောမထွက်ရဲတော့ဘူး။ သူတို့တွေ ကျွန်တော်ပြောတာကို နားထောင်နေတယ်။ ကျွန်တော်ခိုင်းတာကို လိုက်နာနေတယ်။ ကျွန်တော့်စာကို လေးစားနေတယ်။ ကျွန်တော့ပညာကို ယူနေတယ်။ ဒါကို ကျွန်တော်သာယာခဲ့မိလို့ ကျွန်တ်ာစာဖတ်ဖို့ မလိုတော့ဘူးလို့ ပြောခဲ့မိတယ်။ အခုကျွန်တော်ဘာရေးမလဲ။
ဒီည ကျွန်တော့်တစ်သက်တာ တစ်ခါမှ မရေးဖူးတဲ့စာကို ကျွန်တော်ရေးမယ်။ ကျွန်တော် စာဖတ်ဖို့လိုပြီလို့ ကျွန်တော်ထင်လို့ပါ။ ကျွန်တ်ာအိပ်ရာမဝင်ခင် ကျွန်တော့်ကိုယ်ကျွန်တော်ပေးဖို့ စာ၊ ကျွန်တော်ဖတ်ဖို့စာကို ရေးဖို့ စာကြည့်မီးအိမ်ကိုဖွင့်ထားပါတယ်။
"ဒီစာကို ကျွန်တော်ဖတ်ဖို့ လိုတယ်"
ခပ်ပြုံးပြုံးနဲ့ပဲ တီးတိုးရေရွတ်မိပါတယ်။
အသစ်စက်စက် သားရေဖုံး အညိုရောင်မှတ်စုစာအုပ်တစ်အုပ်ကို ကျွန်တော့်ဗီရိုထဲကနေ ထုတ်ယူ။ ဖောင်တိန်နဲ့ ရေးကျင့်အရ စုဆောင်းထားတဲ့ ဖောင်တိန်မင်အိုးများကိုယူ။ ပထမစာမျက်နှာကို ကျွန်တော်လှန်လိုက်ပါတယ်။ ကျွန်တော့်ရဲ့ ဖတ်မရတဲ့လက်ရေးသော့သော့နဲ့ ရေးခဲ့တဲ့ စာရွက်တွေကို စာစီစာရိုက်သမားတွေ ကြိုးစားဖတ်နိုင်ပေမယ့် ကျွန်တော်ကိုယ်တိုင်ဖတ်ဖို့ လက်ရေးဝိုင်းဝိုင်းကြီးကြီးနဲ့ ပီပီသသ ကျွန်တော်စရေးပါတယ်။ ပထမတစ်ကြောင်း စာကြောင်းခြားပြီး ကျွန်တော် နောက်တစ်ကြောင်းရေးပါတယ်။
ရေးရင်းနားရင်း ဖောင်တိန်ကို လက်ငါးချောင်းနဲ့ ဆုပ်ကိုင်ကာ ခေါင်းမော့တွေးရင်း ကျွန်တော်ဒီတစ်ခါ ပင်ပင်ပန်းပန်းရေးနေပါတယ်။ ရေးလေ ရေးရတာ ခက်လေ၊ တွေးလေ ရေးရတာ ပင်ပန်းလေဆိုတာ ကျွန်တော်ထပ်မံတွေ့ရှိရတယ်။ နိုင်ငံကျော် စာပေပညာရှင်ကြီး ကိုယ်တိုင်ဖတ်ဖို့စာကို အရေးမသွက်ပါလားလို့ သူတို့သိရင် ပြုံးရယ်ကြမယ်ဆိုတဲ့အတွေးကြောင့် စာရေးခဏပျက်ပါတယ်။ ကျွန်တ်ာအတွေးစကို ခက်ခက်ခဲခဲ ပြန်ဆွဲခေါ်လို့ တစ်မျက်နှာပြည့်အောင်ရေးနေတာ တရွေ့ရွေ့နဲ့ ပြီးလုလာတယ်။ သူတို့ဖတ်ဖို့စာကို ကိုယ်ပိုင်ပညာနဲ့ရေးနိုင်ပေမယ့် ကိုယ်တိုင်ဖတ်ဖို့စာကိုရေးတော့ မှတ်တမ်းမှတ်ရာစုံလင်စွာ ပြန်ထုတ်ကြည့်ရ ညွှန်းဆိုရတယ်။
"စုံပြီထင်ပါရဲ့"
ရေးအပြီးမှာ စာမျက်နှာထိပ်ဆုံး အလည်တည့်တည့်မှာ မှင်ရာထူထူနဲ့ စာလုံးဝိုင်းဝိုင်း ကျွန်တော်ရေးလိုက်တယ်။ ပြီးတော့ ကျေကျေနပ်နပ်ပဲ ပြုံးလိုက်ပါတယ်။
"ကိုယ့်ကိုကိုယ် ပေးတဲ့စာ"
၁။ မနက်စာမစားမီ ဆီးချိုစစ်ရန် (ဆီးချိုစစ်ဖို့ သွေးမဖောက်မီ မနက်စာမစားမိအောင် သတိထားရန်)
၂။ သွားပွတ်တံအဟောင်း သုံးလကျော်ပြီ။ အသစ်လဲတိုက်ရန်
၃။ ရေချိုးဆပ်ပြာသုံးအပြီး ဆရာဝန်ပေးသော အရေပြားလိမ်းဆေးလိမ်းဖို့ မမေ့ရန်
၎။ ကိုးနာရီ ဝတ်ပြုဖို့ ဘုရားကျောင်းကကား လာကြိုချိန်အမီ အဆင်သင့်ပြင်ဆင်ထားရန်
၅။ ဘုရားကျောင်းမှအပြန် ပင်စင်ထုတ်ဖို့ ပင်စင်စာအုပ်ယူသွားရန်
၆။ မိတ်ဆွေဟောင်းများနှင့်တွေ့လျှင် စားမြုံပြန်ဖို့ မှတ်စုစာအုပ်ဟောင်းယူသွားရန် နှင့် နာမည်တွေ မှားမခေါ်မိဖို့ (အထူး) သတိထားရန်
၇။ ဘုရားကျောင်းတွင် နေ့လည်စာကို ပေါင်မုန့်အညိုသာစားရန်
၈။ ကားဆရာကိုဘောက်ဆူးပေးဖို့ အကြွေထည့်သွားဖို့ မမေ့ရန်
၉။ ပင်စင်ရုံးအရောက် ကားပေါ်ကဆင်းပြီး ကားနံပါတ်မှတ်ဖို့မမေ့ရန် (အရင်တစ်ကြိမ် ကားရှာမတွေ့လို့ ကားပါကင်တွေ ရပ်နေရတာကို သတိပြုရန်)
၁၀။ ကားနံပါတ်ကို စာရွက်တွင် ရေးမှတ်ရန်
၁၁။ ကားနံပါတ်မှတ်သည့်စာရွက်ကို ပင်စင်ဖြတ်ပိုင်းပေးရာတွင် ရောထည့်မပေးမိစေရန်
၁၂။ ခြေအိတ်အသစ် ခြောက်စုံတိတိဝယ်ရန်
၁၃။ ခြေအိတ်ဆိုင်ဘေးရှိ စာအုပ်အရောင်းခန်းကို နိုင်ငံတော်စာကြည့်တိုက်နှင့်ထပ်မမှားစေရန် (ရှက်ဖွယ်)
၁၄။ ပြန်ရောက်အပြီး နေ့လည်စာစားခဲ့သည်မှာ သေချာသည်။ ထပ်မစားမိစေရန်
၁၅။ ရေတစ်နေ့ တကြိမ်ထက်ပို မချိုးမိစေရန်
၁၆။ ညစာ အသီးသုတ်သာစားရန်
၁၇။ သူနာပြုပေးသောဆေးကို သူနာပြုရှေ့တွင် ချက်ချင်းသောက်ရန် (ဘေးခုံတွင်မတင်မိစေနှင့်၊ ချက်ချင်းသောက်ရန်)
၁၈။ ညဆရာဝန်လာတိုင်း မင်္ဂလာမနက်ခင်းပါဟု နှုတ်မဆက်မိစေရန်
(PS- အသက် ၇၂ နှစ်အစား ၆၂နှစ်ဟု မှားမှားပြောနေခြင်းကို အထူးအထူး သတိပြုရန်)
အားလုံးကို မျက်လုံးမှေးအောင် သေသေချာချာ အားရပါးရပြန်ဖတ်ပြီးမှ ကိုယ့်ကိုယ်ကိုပေးတဲ့စာကို လက်မှတ်ထိုးပါတယ်။ မှတ်စုစာအုပ်လေးကို အဖုံးပိတ်တယ်။ ကျွန်တော့်ခေါင်းအုံးဘေးမှာ တရိုတသေနေရာချပါတယ်။ စာကြည့်မီးအိမ်ကိုပိတ်လို့ ကျွန်တော်ဖတ်ဖို့ ကိုယ့်ကိုယ်ကိုပေးတဲ့စာတွေ နောက်ထပ်ဘယ်နစောင်များ ရေးရဦးမလဲ။ နောက်ညတွေ ခပ်များများ ဒီလိုစာတွေ ကျွန်တော်ရေးချင်ပါသေးတယ်။ အဲ မနက်အိပ်ရာနိုးရင် ကိုယ့်ကိုယ်ကို ပေးတဲ့စာကို ကျွန်တော်ဖွင့်ဖတ်မိပါစေ။
ကျန်သေးတယ်ရှင့်...
ခေါက်လိုက်တော့နော်...
ဒီစာဟာ ကျွမ်းကျင်သူတစ်စုက အသက်လေးနှစ်ကနေ ရှစ်နှစ်အတွင်းကလေးတွေကို အချစ်ကို အဓိပ္ပါယ်ဖွင့်ဆိုပါပြလို့ မေးခွန်းထုတ်ရင်း စုဆောင်းရရှိလာတဲ့ အဖြေတွေဖြစ်ပါတယ်။ အဲဒီအဖြေတွေဟာ ဘယ်ခေတ်ဘယ်တုန်းကထက်မဆို ချစ်အဓိပ္ပါယ်ကို ပိုပြီးကျယ်ပြန့် ပိုပြီးနက်ရှိုင်းအောင် ဖော်ကျူးနိုင်တယ်ဆိုတာ အံ့သြစရာတွေ့ခဲ့ရပါတယ်။
ကျွန်မရဲ့အဖွားဖြစ်သူ အဆစ်အမြစ်ရောင်ရောဂါရတဲ့အခါ သူမရဲ့ခါးကိုကုန်းပြီး ခြေသည်းပြုပြင် မသန့်ရှင်းနိုင်တော့ပါဘူး။ အဲဒီ့အခါ သူကိုယ်တိုင် လက်ချောင်းတွေ အဆစ်ရောင်ရောဂါရနေတဲ့ အဖိုးက အဖွားရဲ့ခြေသည်းတွေကို ကိုင်တွယ်သန့်ရှင်းပေးခဲ့ပါတယ်။ ဒါဟာအချစ်ပါပဲ (Rebecca -age 8)
သင့်ကိုချစ်တဲ့သူတွေက သင့်ကိုခေါ်တဲ့အခါ သင့်နာမည်ဟာ သူတို့နှုတ်ဖျားမှာ စေးစေးပိုင်ပိုင်ရှိလှတာကို ခံစားရမှာပါ (Billy -age 4)
အတူတူအပြင်ထွက်တဲ့အခါ နမ်းရှိုက်တိုင်းမွှေးစေဖို့ မိန်းကလေးက ရေမွှေးတွေဆွတ် ယောက်ျားလေးက မုတ်ဆိတ်ရိတ်ပြီး အမွှေးရည်ဖြန်းရတာ အချစ်ပေါ့တဲ့ (Karl -age 5)
အချစ်ဆိုတာ အပြင်ထွက်ပြီးစားသောက်ကြတိုင်း ကိုယ့်အာလူးကြော်တွေရဲ့ အများစုကို သူ့ကိုပေးမိပြီး သူ့ဆီကတော့ ဘာကိုမှမမျှော်လင့်တာပါ (Chrissy -age 6)
အချစ်ဆိုတာ သင်မောပန်းနေချိန်မှာတောင် သင့်ကိုအပြုံးပန်းဆင်စေနိုင်တဲ့အရာပါ (Terri -age 4)
ဒက်ဒီ့အတွက် ကော်ဖီဖျော်ပြီးတိုင်း အရသာအနေတော်ဖြစ်မဖြစ်သိရအောင် မာမီကအရင်မြည်းပြီးမှ ပေးလေ့ရှိပါတယ်။ အဲဒါချစ်လို့ပါ (Danny -age 7)
ကိုယ်ချစ်တဲ့သူကို တချိန်လုံးနမ်းချင်နေတော့တာပါ။ နမ်းရှိုက်လို့ မောသွားရင်တောင် အတူထိုင်ပြီး စကားတွေပြောချင်နေတာပါပဲ။ ကျွန်မရဲ့ မာမီနဲ့ဒက်ဒီဟာ အဲဒီအတိုင်းပါပဲ တဲ့ (Emily -age 8)
ခရစ်စမတ်လက်ဆောင်တွေကို ဖောက်နေချိန်မှာ ရပ်ပြီးနားစွင့်ကြည့်ပါ။ အချစ်ဟာ သင်နဲ့တခန်းထဲမှာဆိုတာ ကြားနိုင်မှာပါ (Bobby -age 7 Wow!)
အချစ်အကြောင်း ပိုသိချင်ရင် သင်မုန်းတဲ့သူနဲ့ သူငယ်ချင်းဖွဲ့ကြည့်ပါ (Nikka -age 6)
အချစ်နှစ်မျိုးရှိပါတယ်။ ကျွန်မတို့ရဲ့အချစ်နဲ့ ဘုရားသခင်ရဲ့အချစ်ပါ။ ဒါပေမယ့် အဲဒါနှစ်မျိုးစလုံးကို ဘုရားသခင်ကပဲ ဖန်ဆင်းပါတယ် (Jenny -age 8)
ဲ့ယောက်ျားလေးတစ်ယောက်ကို ရှင့်တီရှပ်က သိပ်လိုက်ဖက်တာပဲလို့ သင်ပြောလိုက်တဲ့အခါ အဲဒီလူဟာ အဲဒီတီရှပ်ကို နေ့တိုင်းဝတ်ပါတော့တယ်။ အဲဒါအချစ်ကြောင့်ပါ တဲ့ (Noelle -age 7)
အချစ်ဆိုတာ တစ်ယောက်အကြောင်းတစ်ယောက် အူမချေးခါးမကျန် သိပြီး အဖိုးကြီးအဖွားကြီးဖြစ်ချိန်ထိ ဆက်လက်ခင်မင်သွားနိုင်စေတာပါ (Tommy -age 6)
ကျွန်မရဲ့ ပီယာနိုသင်တန်းဆင်းပွဲမှာ တီးခတ်ရတော့ စင်ပေါ်မှာ သိပ်ကြောက်နေမိပါတယ်။ ပရိသတ်ထဲကို ကြည့်လိုက်တော့ လူတွေကြားမှာ တစ်ယောက်ထဲ လက်ဝေ့ယမ်းပြီး ပြုံးပြနေတဲ့ ဒက်ဒီ့ကိုတွေ့ရပါတယ်။ အဲဒီအခါ ကျွန်မမကြောက်တော့ပါဘူး။ အဲဒါအချစ်ကြောင့်ပါ (Cindy -age 8)
မာမီက ဘယ်သူ့ထက်မဆို ကျွန်မကိုပိုချစ်ပါတယ်။ ဘာလို့ဆို မာမီကလွဲပြီး ကျွန်မကို အိပ်ရာဝင်အနမ်းပေးတဲ့သူ ရှိမှမရှိတာ တဲ့ (Clare -age 6)
မာမီက ဒက်ဒီ့အတွက် အကောင်းဆုံး အသားတုံးတွေပဲ ရွေးထည့်ပေးတာ ချစ်လို့ပါ တဲ့ (Elaine -age 5)
အချစ်ဆိုတာ ချွေးတွေနဲ့ နံစော်နေတဲ့ ဒက်ဒီ့ကို မာမီက ရောဘတ်ရက်ဖို့ဒ်ထက်တောင် ပိုခန့်သေးတယ်လို့ ပြောတဲ့အခါမှာပါ တဲ့ (Chris -age 7)
သင့်ရဲ့ခွေးကလေးကို အိမ်မှာတနေကုန်ထားခဲ့တာတောင် သင်အိမ်ပြန်လာတဲ့အခါ သူကတစ်မျက်နှာလုံးလျက်ပြီး ဆီးကြိုတာ ချစ်လို့ပါ (Mary Ann -age 4)
ကျွန်မရဲ့အမဟာ ကျွန်မကိုချစ်ပါတယ် ဘာလို့ဆို သူမရဲ့အဝတ်ဟောင်းတွေ အကုန်လုံးကို ကျွန်မအတွက် ပေးလိုက်ရပြီး သူမကတော့ အပြင်ထွက်ဝယ်ရရှာပါတယ် (Lauren -age 4)
တစ်စုံတစ်ယောက်ကို ချစ်မိတဲ့အခါ မင်းမျက်တောင်တွေ ပုတ်ခတ်ပုတ်ခတ်ဖြစ်လာမယ်။ ပြီးတော့ မျက်လုံးတွေလဲ ကြယ်ကလေးတွေလို လက်လာလိုက်တာ (Karen -age 7)
အိမ်သာတံခါးမပိတ်တဲ့ ဒက်ဒီ့ကို မာမီက အော်ပြီးမဆူပါဘူး အဲဒါချစ်လို့ပါ တဲ့ (Mark -age 6)
တကယ်မချစ်ခဲ့ရင် ချစ်တယ်ဆိုတဲ့ စကားကို မပြောသင့်ပါဘူး။ ဒါပေမယ့် သင်ချစ်တဲ့သူတွေကိုတော့ ချစ်တယ်ဆိုတဲ့စကားကို အကြိမ်ရာထောင် ပြောသင့်ပါတယ်။ ဘာကြောင့်ဆို သူတို့တွေ သင်ချစ်တာကို မေ့လျော့သွားမှာစိုးရလို့ပါ (Jessica -age 8)
စာရေးဆရာ စာပေပညာရှင် Leo Buscaglia ကို ဒီအဖြေတွေထဲက အကောင်းဆုံးဖြေနိုင်သူ အချစ်တတ်ဆုံး ကလေးငယ်ကို ရွေးပေးဖို့ မေတ္တာရပ်ခဲ့ပါတယ်။
ဆုရသူကတော့ လေးနှစ်ကလေးငယ်တစ်ဦးပါ။ ဇနီးသည်ဆုံးသွားတာ မကြာသေးတဲ့ အိမ်နီးချင်း အဖိုးအိုတစ်ဦးရဲ့ ဘေးကအခန်းမှာ သူနေပါတယ်။ အဖိုးကဝမ်းနည်းလို့ ငိုကြွေးတိုင်း ကလေးဟာ အဖိုးရဲ့ ပေါင်ပေါ်ကိုတက်သွားပြီး အဲဒီမှာ ထိုင်လေ့ရှိပါတယ်။
အမေဖြစ်သူက ဖိုးဖိုးကို သားဘာသွားပြောနေတာလဲလို့ မေးတဲ့အခါ ကလေးကဖြေပါတယ်။
"ဘာမှမပြောပါဘူး မာမီ။ သားသားဖိုးဖိုးကို ကူပြီးငိုပေးနေတာပါ"
ဒီကနေ ဘာသာပြန်ထားတာပါ။
ကျန်သေးတယ်ရှင့်...
ခေါက်လိုက်တော့နော်...
